PITOMA THE GREAT

PITOMATHEGREAT.BLOGSPOT.COM

AZAM FC KATIKA UBORA WAO SOMA HABARI HAPA ZA MICHEZO.>>>>>>>>>>>>

KLABU ya Azam Fc huenda ikakosa huduma za kiungo mshambuliaji wake hatari Farid Mussa katika michuano ya kombe la Mapinduzi itakayoanza kutimua vumbi kuanzia kesho Visiwani Zanzibar.

Taarifa kutoka ndani ya timu hizo zinasema kuwa kungo huyo machachari huenda akapanda ndege kuelekea nchini Hispania kwa ajili ya kufanya majaribio ya kucheza soka la kulipwa katika klabu ya Slovenia Fc Olimija Ljubljana .

Aidha imebainika kuwa kiungo huyo amepewa muda wa siku 10 za majaribio ambazo hadi anamaliza huenda michuano ya kombe la Mapinduzi ikawa katika hatua za mwisho kumalizika.

Faridi ambaye amekuwa katika kiwango bora cha uchezaji soka hali iliyomfanya kuendelea kudumu katika kikosi cha kwanza cha timu hiyo ,anataraji kuondoka nchini mapema wiki ijayo.

Kuondoka kwa mchezaji huyu kutaongeza pengo katika kikosi cha kwanza cha Azam ambapo pia watakosa huduma za beki wao kisiki Aggrey Morris ambaye anatarajiwa kuelekea Afrika Kusini kwa ajili ya kufanyiwa upasuaji wa goti.

Azam ambao ni Mabingwa wa Afrika Mashariki na Kati waliwasili jana visiwani Zanzibar ambapo kesho watatupa karata yao ya kwanza katika michuano ya Mapinduzi dhidi ya Mtibwa Sugar.

Mara ya mwisho kwa Azam kutwaa kombe la Mapinduzi ilikuwa mwaka 2012 ambapo walitwaa kwa kuifunga Tusker Fc ya Kenya jumla ya magoli 2-1............