Bab Tale asema,alipoona picha ya Chid Benz alijua ana ngoma ndio maana alichukua hatua hii.

Meneja wa Diamond Platnumz ‘Bab Tale’ ambaye hivi karibuni amejitoa kumsaidia rapa Chid Benz kuacha matumizi ya dawa za kulevya ameongelea mara ya kwanza kuona picha za Chid Benzi akiwa kwenye hali aliyopo kwa sasa.

Kupitia #PlanetBongo Babutale amesema “Kusema ukweli nilipoona picha ile nilipata wasiwasi nikidhani Chid Benzi labda ameungua na maradhi yetu ya sasa, sikuamini kama ni madawa ya kulevya ndiyo yamempelekea hali ile,lakini sikuweza kuamini kesho yake ilibidi nimchukue Chid Benzi na kwenda nae kwenye kituo cha afya na kufanya check up ya mwili mzima, lakini baada ya vipimo kutoka akaonekana yuko poa kabisa ila wakagundua tu ni hayo madawa” alisema Chid Benzi.
Katika hatua nyingine Babu tale amesema yeye ameamua kumsaidia Chid Benzi ili aweze kurudia katika hali yake ya kawaida na aendelee na maisha yake ya kawaida na si kusema ameamua kumsaidia kwa sababu ya kutafuta kiki au kutafuta maslahi kama ambavyo baadhi ya watu wamekuwa wakidai.